बंगालच्या मंत्र्यांवरील बॉम्ब आक्रमणाच्या प्रकरणी बांगलादेशी नागरिकाला अटक

ममता बॅनर्जी यांनी ज्यांना त्यांच्या १० वर्षांच्या सत्तेच्या काळात डोक्यावर बसवले, त्याच लोकांनी सरकारमधील मंत्र्यांवर आक्रमण केले. हा नियतीचाच न्याय म्हणावा लागेल ! बंगाली लोकांनी आतातरी राज्यातील कायदा आणि सुव्यवस्थेची स्थिती समजून परिवर्तन केले पाहिजे !

झाकीर हुसेन

कोलकाता (बंगाल) – राज्यातील मुर्शिदाबाद येथील नीमतिता रेल्वे स्थानकावर काही दिवसांपूर्वी बंगालचे मंत्री झाकीर हुसेन यांच्यावर बॉम्बद्वारे आक्रमण करण्यात आले होते. या प्रकरणी पोलिसांनी एका बांगलादेशी नागरिकाला अटक केल्याची माहिती पोलिसांच्या सूत्रांनी दिली आहे. या आक्रमणात हुसेन गंभीररित्या घायाळ झाले होते.