जमावबंदी आदेशाचे उल्लंघन केल्याप्रकरणी गुंड शरद मोहोळसह ५ जण कह्यात !

आदेशाचे पालन न करणार्‍यांना कठोरात कठोर शिक्षा व्हायला हवी तरच समाजव्यवस्था सुधारेल !

पुणे – खडक पोलीस ठाण्याच्या हद्दीत २६ जानेवारी या दिवशी पतीत पावन संघटनेच्या ५० व्या वर्धापनदिनानिमित्त कार्यक्रमाचे आयोजन केले होते. कोरोनाच्या पार्श्‍वभूमीवर असलेला जमावबंदीचा आदेश डावलून शरद मोहोळ आणि त्याच्या १० – १२ साथीदारांनी गर्दी जमवली आणि आरडाओरडा करत गुरुवार पेठ परिसरात दहशत निर्माण केली. त्यामुळे गुंड शरद मोहोळसह ५ जणांना पोलिसांनी कह्यात घेतले, तर १० ते १२ जणांवर गुन्हे नोंद केले आहेत.