सामाजिक संकेतस्थळावर छायाचित्र प्रसारित करण्याची धमकी देऊन अल्पवयीन मुलीवर अत्याचार

राज्यात महिलांची सुरक्षा धोक्यात ! आपल्या मुली अत्याचाराला बळी पडू नयेत, यासाठी त्यांना वेळीच स्वरक्षण प्रशिक्षण द्या !

सातारा, ६ फेब्रुवारी (वार्ता.) – येथील क्षेत्रमाहुली गावातील साडेतेरा वर्षीय मुलीला तिच्या घरच्यांना त्रास देण्याची आणि सामाजिक संकेतस्थळावर छायाचित्रे प्रसारित करण्याची धमकी देऊन तिच्यावर अत्याचार करण्यात आले आहेत. याविषयी पोलिसात गुन्हा नोंद करण्यात आला आहे.

प्रणय चंद्रहार माने (वय २६ वर्षे) असे युवकाचे नाव आहे. १ ऑक्टोबर २०२० ते २ फेब्रुवारी २०२१ या कालावधीत हा प्रकार घडला आहे. पुढील अन्वेषण उपविभागीय पोलीस अधिकारी आंचल दलाल आणि कोरेगावचे उपविभागीय पोलीस अधिकारी किंद्रे करत आहेत.