कणकवली येथील उपजिल्हा रुग्णालयात कोरोना लसीकरणाची रंगीत तालीम

कणकवली – कोरोना लसीकरणात कोणत्याही उणिवा राहू नयेत, यासाठी येथील उपजिल्हा रुग्णालयात लसीकरणाविषयीची रंगीत तालीम घेण्यात आली. जिल्हाधिकारी के. मंजुलक्ष्मी यांनी याप्रसंगी भेट देऊन रुग्णालयातील सिद्धतेचा आढावा घेतला. ‘कोरोना लसीकरणामध्ये कोणत्याही त्रुटी राहू नयेत’, अशी सूचना के. मंजुलक्ष्मी यांनी अधिकार्‍यांना केल्या. या वेळी विविध पदाधिकारी उपस्थित होते.