अंमलबजावणी संचालनालयाकडून सौ. वर्षा राऊत यांना पुन्हा नोटीस

मुंबई – शिवसेनेचे नेते आणि खासदार संजय राऊत यांच्या पत्नी सौ. वर्षा राऊत यांना अंमलबजावणी संचालनालयाकडून पुन्हा नोटीस देण्यात आली आहे. सौ. राऊत यांना ११ जानेवारी या दिवशी चौकशीसाठी अंमलबजावणी संचालनालयाच्या कार्यालयात बोलावण्यात आले आहे.

पंजाब अ‍ॅन्ड महाराष्ट्र को-ऑपरेटिव्ह बँकेतील आर्थिक घोटाळ्याप्रकरणी सौ. वर्षा राऊत यांची चौकशी चालू आहे. यापूर्वी ४ जानेवारी या दिवशी अंमलबजावणी संचालनालयाकडून सौ. राऊत यांची चौकशी करण्यात आली आहे.