(म्हणे) ‘ताडी गंगेच्या पाण्यापेक्षा शुद्ध असल्याने ती प्यायल्याने कोरोनाचा संसर्ग होत नाही !’ – बसपचे उत्तरप्रदेश प्रमुख भीम राजभर यांचा दावा

योगगुरु रामदेवबाबा यांच्या प्रतिकारशक्ती वाढवणार्‍या औषधाला त्यांच्या आस्थापनाने ‘कोरोनावरील औषध’ संबोधल्याने त्यावर बंदी घालणारे प्रशासन आता अशांवर काय कारवाई करणार आहे ?

बलिया (उत्तरप्रदेश) – आमच्या राजभार समाजात ताडीला गंगेच्या पाण्यापेक्षाही पवित्र मानले जाते. ताडीमध्ये रोगप्रतिकारशक्ती वाढवणारे गुण असतात. ताडी प्यायल्याने कोरोना होत नाही. आमच्या समाजातील अनेकजण भरपूर ताडी पितात. याच कारणामुळे त्यांना कोरोनाचा संसर्ग होत नाही, असा दावा बहुजन समाज पक्षाचे उत्तरप्रदेश प्रमुख भीम राजभर यांनी येथील रासरामध्ये कार्यकर्त्यांच्या मेळाव्यामध्ये बोलतांना केला.

BSP प्रदेश अध्यक्ष का बेतुका बयानhttps://t.co/G7vOMPVWp0

— AajTak (@aajtak) December 22, 2020

राजभार समाजामध्ये लहान मुलांनाही ताडी पाजली जाते, असा संदर्भ देत भीम राजभार यांनी उपस्थितांना ताडीचे महत्त्व समाजवून सांगण्याचा प्रयत्न केला.