आमदार सुधीर गाडगीळ यांच्या कृषी सुधारणा विधेयक पुस्तिकेचे विरोधी पक्षनेते देवेंद्र फडणवीस यांच्या हस्ते प्रकाशन

सांगली – केंद्र सरकारने संमत केलेल्या कृषी सुधारणा विधेयक २०२० या कायद्यात शेतकर्‍यांच्या प्रगतीसाठी आणि आर्थिकदृष्ट्या उन्नतीसाठी पंतप्रधान नरेंद्र मोदी सरकारने ऐतिहासिक निर्णय घेतले आहेत. याची माहिती सोप्या शब्दात शेतकर्‍यांपर्यंत पोचवण्याच्या उद्देशाने भाजप आमदार श्री. सुधीर गाडगीळ यांनी ‘कृषी सुधारणा विधेयक २०२०’ पुस्तिका काढली आहे. त्याचे प्रकाशन मुंबई येथे राज्याचे विरोधी पक्षनेते देवेंद्रजी फडणवीस यांच्या हस्ते करण्यात आले. या वेळी आमदार श्री. सुधीर गाडगीळ, युवा मोर्चा महाराष्ट्र प्रदेशाध्यक्ष श्री. विक्रांत पाटील, सांगली शहर जिल्हाध्यक्ष श्री. धीरज सूर्यवंशी, सचिव श्री. विश्‍वजित पाटील, श्री. कृष्णा राठोड आदी उपस्थित होते.