वाकडमधील विकासकामावरून आमदार जगताप यांच्या समर्थकांचा सभागृहात गोंधळ

 गोंधळ घालणारे नको तर गोंधळ सोडवणारे लोकप्रतिनिधी हवेत !

पिंपरी-चिंचवड – येथील सत्तेवर असलेल्या भाजप नगरसेवकांमधील अंतर्गत कलहाचे दृश्य बघायला मिळाले. वाकडमध्ये विकासकामाला संमती का मिळाली ?, या सूत्रावरून चिंचवडचे स्थानिक आमदार लक्ष्मण जगताप यांच्या समर्थकांनी सभागृहात गोंधळ घातला. त्यांनी कामकाजाच्या धारिका, तसेच ग्लास, ताटल्या, ध्वनीक्षेपक इत्यादी वस्तू इतस्ततः भिरकावल्यामुळे स्थायी समितीच्या अध्यक्षांनी सभा तहकूब केली. (सभागृहात कसे वागायचे हे लोकप्रतिनिधींनी त्यांच्या कार्यकर्त्यांना सांगणे अपेक्षित ! – संपादक)