कार्तिकी एकादशीच्या कालावधीत ३ दिवस श्री विठ्ठल-रुक्मिणीचे मुखदर्शन बंद रहाणार

पंढरपूर (जिल्हा सोलापूर) – कार्तिकी दशमी, एकादशी आणि द्वादशी म्हणजे २५ ते २७ नोव्हेंबर या कालावधीत श्री विठ्ठल-रुक्मिणी मंदिरातील मुखदर्शन बंद ठेवण्यात येणार आहे. कोरोनाच्या पार्श्‍वभूमीवर श्री विठ्ठल-रुक्मिणी मंदिर समितीने हा निर्णय घेतला आहे, अशी माहिती समितीचे सहअध्यक्ष गहिनीनाथ महाराज औसेकर आणि कार्यकारी अधिकारी विठ्ठल जोशी यांनी दिली.

या वर्षी कार्तिकी यात्रा प्रतिकात्मक पद्धतीने होणार असून २५ आणि २६ नोव्हेंबर या दिवशी पंढरपूर शहर आणि जवळपासच्या १० गावांमध्ये संचारबंदी लागू असणार आहे. १६ नोव्हेंबरपासून शासनाच्या आदेशानुसार श्री विठ्ठल-रुक्मिणी मंदिरात दर्शनासाठी ‘ऑनलाईन’ पद्धतीने ‘बुकींग’ करून आलेल्या भाविकांना प्रवेश देण्यात येत आहे.