Daughter Kills Mother : अनुकंपा तत्त्वावर नोकरी मिळण्यासाठी मुलीनेच ७ लाख रुपयांची सुपारी देऊन केली आईची हत्या

जयपूर (राजस्थान) – अनुकंपा तत्त्वावर आईला मिळालेली नोकरी स्वतःला मिळावी आणि मालमत्तेत वाटा मिळावा, यावरून मुलीने सुपारी देऊन आईची हत्या घडवून आणल्याची घटना येथील प्रतापनगरमध्ये घडली. न्यायालयीन लिपिक असलेल्या ४५ वर्षीय श्रीमती नीरज शर्मा यांची चारचाकी वाहनाद्वारे चिरडून हत्या करण्यात आली होती. परिसरातील सीसीटीव्ही चित्रीकरण तपासल्यानंतर हा अपघात नसून पूर्वनियोजित खून असल्याचा संशय पोलिसांना आला होता. अन्वेषणातून कौटुंबिक कट आणि भाडोत्री मारेकरी यांचा सहभाग उघडकीस आला. पोलिसांनी या प्रकरणी नीरज यांची मुलगी आयुषी शर्मा हिच्यासह ७ जणांना अटक केली असून, एक आरोपी अजूनही पसार आहे.

🚨 Jaipur Horror: Mother Murdered for Government Job

A woman in Jaipur got her own mother murdered to secure a Government job under the compassionate appointment scheme.

The murder was staged as a road accident until CCTV footage exposed the conspiracy. Seven people have been… pic.twitter.com/A9LeucurG6

— Sanatan Prabhat (@SanatanPrabhat) July 9, 2026

पोलीस उपायुक्त रंजिता शर्मा यांनी सांगितले की, नीरज यांच्या पतीचे सुमारे एका वर्षापूर्वी निधन झाले. पतीच्या निधनानंतर नीरज यांना अनुकंपा तत्त्वावर न्यायालयात कनिष्ठ लिपिक म्हणून नोकरी मिळाली. मुलगी आयुषीला स्वतःला ती सरकारी नोकरी हवी होती; मात्र नीरज यांनी स्वतः ती नोकरी स्वीकारली. याखेरीज गेल्या २-३ वर्षांपासून आई आणि मुलगी यांच्यामध्ये मालमत्तेवरूनही वाद चालू होता. नोकरी आणि मालमत्ता हस्तगत करण्यासाठी आयुषीने तिचे काका मोहन स्वरूप आणि चुलत भाऊ बलराम उपाख्य रवि यांच्यासमवेत मिळून आईला संपवण्याचा कट रचला. यासाठी त्यांनी भरतपूर येथील हेमंत शर्मा याला ७ लाख रुपयांची सुपारी दिली.