Madrassa Cleric Bail Rejected : ६३ वर्षीय मौलवीने ८ वर्षीय विद्यार्थिनीवर केले होते अत्याचार

कोची (केरळ) – मदरशात शिकणार्‍या ८ वर्षांच्या विद्यार्थिनीवर लैंगिक अत्याचार केल्याचा आरोप असलेल्या मदरशाच्या ६३ वर्षीय मौलवीचा जामीन केरळ उच्च न्यायालयाने फेटाळला. ‘हे कृत्य ‘पूर्वियोजित गुन्हेगारी कृत्य’ असल्याचे दिसून येते’, असे न्यायालयाने म्हटले. न्यायमूर्ती कौसर एडप्पागाथ यांनी जामीन अर्ज फेटाळतांना सांगितले की, गुन्ह्याचे स्वरूप, गुन्ह्याचे गांभीर्य, त्यात अर्जदाराचा सहभाग आदींचा विचार करता मला असे वाटते की, या टप्प्यावर अर्जदाराला जामिनावर मुक्त केले जाऊ शकत नाही. मौलवी ८ फेब्रुवारीपासून न्यायालयीन कोठडीत आहे.