Sant Kabir Nagar Murder : संत कबीरनगर (उत्तरप्रदेश) येथे नासीर याने तलवारीने केला आनंद याचा शिरच्छेद

संत कबीर नगर (उत्तरप्रदेश) – येथे १८ जून या दिवशी नासिर अली नावाच्या व्यक्तीने भर बाजारात आनंद या हिंदु दलित तरुणाची तलवारीने गळा चिरून निर्घृण हत्या केली. नासिरने आनंदच्या भाचीची छेड काढल्यामुळे आनंदने नासिरच्या थोबाडीत मारली होती. याचा सूड उगवण्यासाठी रात्री उशिरा आनंद बाजारातून परतत असतांना नासिरने त्याच्या मित्रांसमवेत मिळून त्याला घेरले आणि धारदार शस्त्राने त्याचा गळा चिरला.

या घटनेनंतर संतप्त गावकर्‍यांनी रस्ता रोखून धरला. या वेळी गावकरी नासिरच्या अटकेच्या अन्  पोलीस चकमकीत त्याला ठार मारण्याच्या मागणीवर ठाम होते. या प्रकरणानंतर संत कबीरनगरमध्ये अतिरिक्त पोलीस महासंचालक, उपमहानिरीक्षक, अधीक्षक यांच्यासह संपूर्ण पोलीस फौजफाटा तैनात करण्यात आला असून नासिर आणि त्याच्या साथीदारांचा शोध घेतला जात आहे.