सनातन प्रभात > Post Type > बातम्या > आंतरराष्ट्रीय बातम्या > Norway Crown Princess’s Son : बलात्काराच्या प्रकरणी नॉर्वेच्या ‘क्राऊन प्रिन्सेस’च्या मुलाला ४ वर्षांचा कारावास !

Norway Crown Princess’s Son : बलात्काराच्या प्रकरणी नॉर्वेच्या ‘क्राऊन प्रिन्सेस’च्या मुलाला ४ वर्षांचा कारावास !

(क्राऊन प्रिन्सेस म्हणजे राजघराण्यातील भावी राणी बनण्याची वारसदार)

मारियस बोर्ग होइबी

ऑस्लो (नॉर्वे) – नॉर्वेच्या ‘क्राऊन प्रिन्सेस’ मेटे-मारिट यांचा मुलगा मारियस बोर्ग होइबी याला ऑस्लो जिल्हा न्यायालयाने बलात्काराच्या २ प्रकरणांमध्ये दोषी ठरवत ४ वर्षांच्या कारागृहाची शिक्षा सुनावली. २९ वर्षीय होइबी हा इतर अनेक गुन्ह्यांमध्येही दोषी आढळला; मात्र न्यायालयाने त्याला बलात्काराच्या अन्य २ खटल्यांतून निर्दोष मुक्त केले. न्यायालयाने सांगितले की, होइबी याने दोन महिलांशी लैंगिक संबंध ठेवले. त्या वेळी त्या झोपल्या होत्या, तसेच प्रतिकार करण्याच्या स्थितीत नव्हत्या. यांपैकी एक प्रकरण वर्ष २०१८ मधील, तर दुसरे २०२४ मधील आहे.

होइबी यास त्याची माजी प्रेयसी नोरा हाउकलँड हिच्याशी गैरवर्तन केल्याप्रकरणीही दोषी ठरवण्यात आले. न्यायालयाने त्याला ४ महिलांना एकूण ६.४० लाख नॉर्वेजियन क्रोनरची (अनुमाने ६३ लाख ५० सहस्र रुपयांची) भरपाई देण्याचा आदेश दिला आहे.

संपादकीय भूमिका

अशी कठोर शिक्षा भारतातील किती गुन्हेगार राजकारण्यांना किंवा त्यांच्या गुन्हेगार मुलांना होते ?

नूतन लेख