बंगालमध्ये तृणमूल काँग्रेसचे आमदार मदन मित्रा यांच्या निवासस्थानांवर ‘ईडी’ची धाड

(ईडी म्हणजे अंमलबजावणी संचालनालय)

कोलकाता (बंगाल) – नगरपालिका भरती घोटाळ्याच्या प्रकरणी अंमलबजावणी संचालनालयाने १४ जूनला सकाळी तृणमूल काँग्रेसचे नेते आणि कामरहाटीचे आमदार मदन मित्रा यांच्या भवानीपूर आणि कालीघाट येथील निवासस्थानांवर धाडी घातल्या. या वेळी केंद्रीय सुरक्षा दलाचे सैनिक मोठ्या प्रमाणात तैनात करण्यात आले होते. अन्वेषण यंत्रणांनी मित्रा यांच्या निवास्थानी काही कागदपत्रांची छाननी केल्याचे सांगितले जात आहे.

कामरहाटी नगरपालिकेचे अध्यक्ष गोपाल साहा यांच्यासमवेत झालेल्या कथित गैरवर्तनाच्या निषेधार्थ मदन मित्रा यांनी १२ जूनला रात्री पक्षाच्या सर्व नगरसेवकांना सामूहिक त्यागपत्र देण्याचा आदेश दिल्यानंतर दुसर्‍याच दिवशी ही कारवाई करण्यात आली.