सनातन प्रभात > Post Type > बातम्या > राष्ट्रीय बातम्या > Praveen Nettaru : हिंदुत्वनिष्ठ प्रवीण नेट्टारू यांच्या हत्येचा आरोपी झाकीरला अंतरिम जामीन !

Praveen Nettaru : हिंदुत्वनिष्ठ प्रवीण नेट्टारू यांच्या हत्येचा आरोपी झाकीरला अंतरिम जामीन !

हत्येच्या मुख्य कटात थेट सहभागी होता झाकीर

हिंदुत्वनिष्ठ नेते प्रवीण नेट्टारू यांची हत्या करणार्‍या मुख्य आरोपीला अंतरिम जामीन

मंगळुरू (कर्नाटक) – भाजयुमो (भारतीय जनता युवा मोर्चा) या संघटनेचे हिंदुत्वनिष्ठ नेते प्रवीण नेट्टारू यांची २६ जुलै २०२२ या दिवशी हत्या करण्यात आली होती. त्यांच्या हत्या करणार्‍यांपैकी एका मुख्य आरोपीला कर्नाटक उच्च न्यायालयाने अंतरिम जामीन दिला. झाकीर सवणूर (३५ वर्षे) असे त्याचे नाव असून या प्रकरणातील तो १८ वा आरोपी आहे. प्रवीण यांच्या हत्येच्या कटात थेट सहभागी असलेल्यांपैकी तो एक होता.

झाकीरला २८ जुलै २०२२ या दिवशी बेळ्ळारे येथील शफीकसमवेत पोलिसांनी अटक केली होती. यापूर्वी या प्रकरणातील २६ वा आरोपी असलेल्या सोमवारपेट येथील एच्.वाय. रियाझ याला जामीन मिळाला. त्याला या प्रकरणातील आरोपींना आश्रय दिल्याच्या आरोपावरून अटक करण्यात आली होती.

काय आहे प्रकरण ?

२६ जुलै २०२२ या दिवशी कर्नाटकातील बेळ्ळारे येथे ‘अक्षय चिकन सेंटर’समोर प्रवीण नेट्टारू यांची काही जिहादी मुसलमानांनी प्राणघातक शस्त्रांनी वार करून हत्या केली होती. हे प्रकरण राष्ट्रीय अन्वेषण यंत्रणेकडे सोपवण्यात आले होते. या प्रकरणी २६ जणांना अटक झाली होती.

संपादकीय भूमिका

कायद्यांतील पळवाटांचा अपलाभ उठवत हे जिहादी जामिनावर बाहेर येतात आणि पुन्हा हिंदूंच्या विरोधात कारवाया करतात ! असे किती वर्षे चालणार ?

नूतन लेख