वारस नोंदीसाठी ७० सहस्र रुपयांची लाच घेणारा तलाठी कह्यात

पुणे – वडिलोपार्जित भूमीवर वारस नोंदीसाठी ७० सहस्र रुपयाची लाच घेणार्‍या हवेली तालुक्यातील चर्‍होलो येथील तलाठ्यासह दोघांना लाचलुचपत प्रतिबंधक विभागाने कह्यात घेतले. ग्राम महसूल अधिकारी (तलाठी) सुनील सातोसे आणि नेमाजी भोकरे अशी आरोपींची नावे असून त्यांच्या विरोधात दीघी पोलीस ठाण्यात भ्रष्टाचार प्रतिबंधक अधिनियम १९८८ अन्वये गुन्हा नोंदवला आहे. दोघांना ११ जूनपर्यंत पोलीस कोठडीत ठेवण्याचे आदेश आहेत. प्रारंभी आरोपींनी तक्रारदारांकडे १ लाख ८० सहस्र रुपयांची लाच मागितली होती; मात्र तडजोडीअंती त्यांनी ८० सहस्र रुपये मागितले.