Pistol Amid Debate : वृत्तवाहिनीवरील भरचर्चेत पाकिस्तानी प्रतिनिधीने पिस्तूल काढले !

नवी देहली – एका वृत्तवाहिनीवर चर्चा चालू असतांना पाकिस्तानी प्रतिनिधीने पिस्तूल काढून पाकव्याप्त काश्मीरमधील एका कार्यकर्त्याला धमकी दिली. या घटनेचा व्हिडिओ सामाजिक माध्यमांत प्रसारित झाला आहे.

‘रिपब्लिक टीव्ही’ या वृत्तवाहिनीवर वृत्तवाहिनीचे संपादक अर्णब गोस्वामी यांच्या चर्चासत्राच्या कार्यक्रमात पाकव्याप्त काश्मीरमधील परिस्थिती, तेथील नागरिकांचे प्रश्न आणि सुरक्षा या विषयांवर चर्चा चालू होती. चर्चेत पाकिस्तानी प्रतिनिधी मेजर शेख एम्. नदीम यांना सुरक्षा आणि गुप्तचर कारवाया यांविषयी प्रश्न विचारण्यात आले. चर्चेत वाद वाढल्यानंतर नदीम यांचा संयम सुटला आणि त्यांनी कॅमेर्‍यासमोर थेट पिस्तूल दाखवून पाकव्याप्त काश्मीरमधील कार्यकर्त्याला धमकी दिली. या अनपेक्षित प्रकारामुळे चर्चेत काही वेळ तणावाचे वातावरण निर्माण झाले. कार्यक्रमाचे सूत्रसंचालक अर्णब गोस्वामी यांनी या कृतीवर टीका करत चर्चा चालूच ठेवली. प्रश्नांना उत्तर देण्याऐवजी हा प्रकार करणे निंदनीय असल्याचे त्यांनी म्हटले.