सनातन प्रभात > Post Type > बातम्या > आंतरराष्ट्रीय बातम्या > ‘एक भक्कम पाकिस्तान अमेरिकेच्या हितासाठी अत्यंत आवश्यक !’ – अमेरिका

‘एक भक्कम पाकिस्तान अमेरिकेच्या हितासाठी अत्यंत आवश्यक !’ – अमेरिका

पाकिस्तानचे पंतप्रधान शरीफ आणि पाकमधील अमेरिकेच्या राजदूत नताली ए. बेकर

इस्लामाबाद (पाकिस्तान) – एक भक्कम पाकिस्तान अमेरिकेच्या हितासाठी अत्यंत आवश्यक आहे आणि एक भक्कम अमेरिका पाकिस्तानसाठी आवश्यक आहे, असे विधान पाकमधील अमेरिकेच्या राजदूत नताली ए. बेकर यांनी केले. त्या अमेरिकेच्या स्वातंत्र्याच्या २५० व्या वर्धापन दिनानिमित्त अमेरिकी दूतावासाने आयोजित केलेल्या कार्यक्रमात बोलत होत्या. या वेळी बेकर यांनी इराण युद्धात बजावलेल्या भूमिकेसाठी पाकिस्तानचे कौतुकही केले. त्या म्हणाल्या की, वर्ष १९७९ च्या इराणी क्रांतीनंतर अमेरिका आणि इराण यांच्यातील सर्वांत उच्च स्तरीय चर्चेसाठी पाकिस्तान एप्रिलमध्ये एक केंद्र बनले होते.

बेकर पुढे म्हणाल्या की, २ विरोधी देशांमधील चर्चा सुलभ करण्यात पाकिस्तानने महत्त्वाची भूमिका बजावली. हा पाकच्या आधुनिक इतिहासातील सर्वांत शानदार क्षण आहे. राष्ट्राध्यक्ष ट्रम्प यांनी मे २०२५ मध्ये झालेल्या युद्धविरामचे श्रेय पंतप्रधान शरीफ आणि सैन्यदलप्रमख मुनीर यांच्या नेतृत्वाला दिले. त्यांनी याला अण्वस्त्रधारी शेजारी देशांमधील युद्ध रोखण्यामध्ये एक मोठे योगदान असल्याचे सांगितले. पाकिस्तानच्या नेत्यांची समज, म्हणजेच तणाव अल्प करण्याची आणि धोकादायक संघर्ष शांत करण्याची इच्छा अमेरिका विसरली नाही. तिचे कौतुक केले जाते आणि यामुळे एक नवा अध्याय प्रारंभ झाला आहे. सप्टेंबरमध्ये हे नाते आणखीनच घट्ट झाले, जेव्हा राष्ट्राध्यक्ष ट्रम्प यांनी ओव्हल कार्यालयात पंतप्रधान शरीफ आणि सैन्यदलप्रमुख मुनीर यांचे स्वागत केले.

संपादकीय भूमिका

पाकिस्तान अमेरिकेच्या हितासाठी आवश्यक आहे कि ट्रम्प यांच्या खासगी  व्यवसायासाठी आवश्यक आहे ?, हे जग पहात आहे !

नूतन लेख