सनातन प्रभात > Post Type > बातम्या > राष्ट्रीय बातम्या > Shivakumar As Lord Shiva : कन्नड दैनिक ‘विश्ववाणी’ने डी.के. शिवकुमार यांना भगवान शिवाच्या रूपात दाखवले !

Shivakumar As Lord Shiva : कन्नड दैनिक ‘विश्ववाणी’ने डी.के. शिवकुमार यांना भगवान शिवाच्या रूपात दाखवले !

हिंदूंमध्ये संताप

(वरील चित्र प्रसिद्ध करण्यामागे कुणाच्याही धार्मिक भावना दुखावण्याचा हेतू नाही. माहितीसाठी हे चित्र प्रसिद्ध केले आहे. – संपादक)

बेंगळुरू (कर्नाटक) – राज्यात कन्नड वृत्तपत्र ‘विश्ववाणी’ने शपथविधी सोहळ्यापूर्वी मुख्यमंत्री म्हणून नियुक्त झालेल्या डी.के. शिवकुमार यांना शिवाच्या रूपात दाखवणारे चित्र ३ जूनच्या अंकातील पृष्ठ १ वर ठसठशीतपणे प्रकाशित केले.

शिवकुमार यांना भगवान शिवाच्या पारंपरिक वैशिष्ट्यांसह दर्शवणार्‍या या कलाकृतीवर तीव्र टीका होत आहे. या वृत्तपत्रावर राजकीय उदात्तीकरणाचा आरोप होत आहे. विशेष म्हणजे दैनिकाचे मुख्य संपादक विश्वेश्वर भट यांनी हे चित्र ‘एक्स’द्वारे ३ जूनच्या पहाटे प्रसारित केल्यानंतर त्यांच्या विरोधात मोठ्या प्रमाणात टीका झाली. यामुळे त्यांनी ती पोस्ट पुसल्याचे (‘डिलीट’ केल्याचे) दिसत आहे.

संपादकीय भूमिका

  • अशा वृत्तपत्रांच्या विरोधात गुन्हा नोंदवून संबंधितांना कठोर शिक्षा झाली पाहिजे, तरच अशा घटना थांबतील !
  • अशा प्रकारे अन्य पंथियांच्या श्रद्धास्थानांचे चित्र काढण्याचे धाडस कधी कुणी दाखवत नाही. हिंदू निद्रिस्त असल्याने कुणीही त्यांच्या श्रद्धास्थानांचे विडंबन करतो. ही परिस्थिती पालटण्यासाठी हिंदू आता तरी जागे होतील का ?

नूतन लेख