नालासोपारा येथे ४ कोटी ८३ लाख १० सहस्र रुपयांचे अमली पदार्थ जप्त

पालघर, २३ जुलै (वार्ता.) – नालासोपारा पूर्व येथील मोरेगाव परिसरात घर भाड्याने घेऊन अमली पदार्थांची तस्करी करणार्‍या नायजेरियन महिलेवर तुळींज पोलिसांनी कारवाई केली. या कारवाईत ४ कोटी ८३ लाख १० सहस्र रुपये किमतीचे कोकेन आणि एम्.डी.एम्.ए. गोळ्या हे अमली पदार्थ जप्त करण्यात आले असून ओमोरोग्बे मेरीट ईनाघेडे (वय २६ वर्षे) या नायजेरियन महिलेला अटक करण्यात आली आहे. या प्रकरणी पोलीस पुढील अन्वेषण करत आहेत. (नागरिकांना नशेच्या आहारी जाण्यास उत्तरदायी असणार्‍यांना कठोर शिक्षा झाल्यास असे गुन्हे करण्याचे धाडस कुणी करणार नाही ! – संपादक)