मुंबई महापालिका ४ नव्या यंत्रांद्वारे मलवाहिन्यांची कोंडी दूर करणार !

मुंबई – मुंबईच्या पश्चिम उपनगरातील मलनिःसारण वाहिन्यांमध्ये वारंवार होणारी कोंडीची समस्या दूर करण्यासाठी मुंबई महानगरपालिका ४ आधुनिक ‘लो पॉवर रॉडिंग (मलःनिस्सारण करणारी) यंत्रे’ खरेदी करणार आहे. यासाठी पालिकेने ऑनलाईन ई-निविदा प्रक्रिया चालू केली आहे. पश्चिम उपनगरांमध्ये लोकसंख्येच्या वाढत्या विस्तारामुळे मलवाहिन्या तुंबण्याच्या आणि दूषित पाणी रस्त्यावर येण्याच्या तक्रारी वाढल्या आहेत. नव्या यंत्रामुळे मलवाहिन्यांमधील कचरा आणि साचलेली घाण अंतर्गत भागातूनच यशस्वीरित्या उपसणे शक्य होणार आहे.