सनातन प्रभात > Post Type > बातम्या > राष्ट्रीय बातम्या > छत्रपती संभाजीनगरमध्ये गोवंश तस्करांच्या टोळीवर थेट ‘मकोका’ !

छत्रपती संभाजीनगरमध्ये गोवंश तस्करांच्या टोळीवर थेट ‘मकोका’ !

मुख्य आरोपीसह १४ धर्मांधांवर गुन्हे नोंद    शहराच्या इतिहासातील पहिलीच मोठी कारवाई

छत्रपती संभाजीनगर – बकरी ईदच्या पार्श्वभूमीवर शहरात कत्तलीसाठी आणलेल्या १३१ गोवंशियांची सुटका केल्यानंतर आता पोलीस प्रशासनाने गोवंश तस्करांविरुद्ध अत्यंत कठोर पाऊल उचलले आहे. जिन्सी पोलीस ठाण्याच्या क्षेत्रात चालणार्‍या या अवैध गोवंश तस्करी आणि साठवणुकीच्या टोळीविरुद्ध थेट ‘मकोका’ (महाराष्ट्र संघटित गुन्हेगारी नियंत्रण अधिनियम) अंतर्गत कारवाई करण्यात आली. गोवंश तस्करी किंवा अवैध कत्तल करणार्‍या टोळीविरुद्ध मकोका लावण्याची छत्रपती संभाजीनगरसह संपूर्ण मराठवाड्यातील ही पहिलीच ऐतिहासिक कारवाई ठरली आहे. पोलीस आयुक्त प्रवीण पवार यांनी या धडक कारवाईला पूर्वअनुमती दिली आहे.  (राज्यामध्ये गोहत्येचे प्रमाण दिवसेंदिवस वाढत आहे त्यामुळे प्रत्येक वेळी गोवंशियांची हत्या करणार्‍यांवर मकोका लावण्यासाठी पोलीस प्रयत्न करतील का ? प्रशासनाने आता या सर्व आरोपींची अवैध मालमत्ता जप्त करून त्यांना आजन्म कारागृहात टाकले पाहिजे, तरच त्यांना जरब बसेल ! – संपादक)

टोळीप्रमुख जुबेर कुरेशीसह १४ धर्मांधांवर मकोका !

या संघटित गुन्हेगारी टोळीमध्ये गोमाता आणि गोवशियांचे रक्त सांडणार्‍या धर्मांध आरोपींचा समावेश असून त्यांच्यावर ‘मकोका’ अंतर्गत गुन्हा नोंदवण्यात आला आहे. यात टोळीप्रमुख जुबेर शफिक कुरेशी, मोहसीन अयुब कुरेशी, महंमद समीर महंमद शरीफ कुरेशी, मुजीब उपाख्य मुजाहिद तय्यब कुरेशी, शेख कय्युम कुरेशी, शेख अयुब कुरेशी, सलीम कुरेशी, शेख चांद कुरेशी, वसीम शकील उपाख्य शफी कुरेशी, काझी कलीम अहमद, काझी महंमद शरीफ, शेख रऊफ शेख युनूस अशी धर्मांधांची नावे आहेत.

दुधाच्या गोठ्याआड गोमांसाची अवैध विक्री 

जिन्सी भागातील या आरोपींनी लोक आणि पोलीस यांची दिशाभूल करण्यासाठी गोठ्यामध्ये ८ ते १० दुधाळ म्हशी पाळल्या होत्या; मात्र याच म्हशींच्या आड प्रत्येकी ४ ते ५ गोवंश छुप्या पद्धतीने आणून ठेवले जात असत. अधिकृत दूध व्यवसायाच्या नावाखाली याच गोठ्याला लागून अत्यंत गुप्तपणे जनावरांची कत्तल करून गोमांसाची अवैध विक्री केली जात होती.

नूतन लेख