सनातन प्रभात > Post Type > बातम्या > राज्यस्तरीय बातम्या > पुणे महानगर परिवहन महामंडळाचे बस थांबे आणि आगारातील विज्ञापन यांमध्ये कोट्यवधींचा घोटाळा ! – मनसेचा आरोप

पुणे महानगर परिवहन महामंडळाचे बस थांबे आणि आगारातील विज्ञापन यांमध्ये कोट्यवधींचा घोटाळा ! – मनसेचा आरोप

  • महामंडळाची २६ कोटी रुपयांची हानी झाल्याचा दावा

  • चौकशी करण्याचा महामंडळाच्या अध्यक्षांचा आदेश

पुणे – ‘पुणे महानगर परिवहन महामंडळ लिमिटेड’चे (‘पी.एम्.पी.एम्.एल्.’चे) ‘स्टेनलेस स्टील’ने बनवलेले ८६५ बसथांबे आणि १० बस आगारांत विज्ञापन करण्यासाठी आलेल्या एकमेव निविदेमुळे ‘पी.एम्.पी.एम्.एल्.’च्या कोट्यवधी रुपयांची हानी होत असल्याचा आरोप मनसेचे प्रदेश सरचिटणीस हेमंत संभूस यांनी केला आहे. याविषयीचे निवेदन संभूस यांनी ‘पी.एम्.पी.एम्.एल्.’चे अध्यक्ष आणि व्यवस्थापकीय संचालक महेश आव्हाड यांना दिले. या प्रकरणाची चौकशी करण्याचे आदेश आव्हाड यांनी दिले आहेत.

‘पी.एम्.पी.एम्.एल्.’मधील विज्ञापनासाठी ३ निविदा येणे आवश्यक असते. केवळ एकाच ठेकेदाराची निविदा आल्याने तिला मान्यता दिली. प्रत्येक थांब्यासाठी १२ सहस्र रुपये शुल्क येणे अपेक्षित असतांना ‘पी.एम्.पी.एम्.एल्.’ने केवळ ७ सहस्र रुपये भाडे मान्य केले. यामुळे महामंडळाला महिन्याला ४३ लाख २५ सहस्र रुपये आणि ५ वर्षांच्या कराराप्रमाणे २५ कोटी ९५ लाख रुपयांची हानी होणार आहे. त्यामुळे हे काम तातडीने रहित करण्याची मागणी संभूस यांनी केली आहे.

नूतन लेख