खारेबांद, मडगाव येथे गोमांसाच्या चरबीचे १५० डबे कह्यात

मडगाव, १४ मे (वार्ता.) – खारेबांद, मडगाव येथे बजरंग दल, प्राणी क्रूरता प्रतिबंधक जिल्हा संस्था आणि मडगाव शहर पोलीस यांनी संयुक्त कारवाई करत गोमांसाची चरबी असलेले १५० डबे कह्यात घेतले. गोपनीय माहितीच्या आधारे ही कारवाई करण्यात आली आहे. महाराष्ट्रातील एका नामांकित खाद्य तेल विक्रेत्या आस्थापनाच्या डब्यामध्ये ही चरबी भरण्यात आली आहे. बजरंग दलाने या प्रकरणी संबंधित खाद्य तेल विक्रेत्या आस्थापनावर कारवाई करण्याची मागणी गोवा सरकारकडे केली आहे.