‘छोटा उस्मान’ याला ७ वर्षांच्या कारावासाची शिक्षा – NIA Court Bengaluru

बेंगळुरू (कर्नाटक) – ‘लष्कर-ए-तोयबा’शी संबंधित आतंकवादी विक्रम कुमार उपाख्य ‘छोटा उस्मान’ याला राष्ट्रीय अन्वेषण यंत्रणेच्या विशेष न्यायालयाने ७ वर्षांच्या कठोर कारावासाची शिक्षा सुनावली. यात ३० सहस्र रुपयांच्या दंडाचाही समावेश आहे. ही शिक्षा वर्ष २०२३ च्या बेंगळुरू कारागृहात आतंकवादी आक्रमणाचा कट रचल्याच्या प्रकरणात सुनावण्यात आली आहे. या प्रकरणात आतापर्यंत ८ जणांना दोषी ठरवण्यात आले आहे.

Vikram Kumar alias Chota Usman sentenced to 7 years imprisonment for terror-related activities.

Radicalised while in prison, he was recruited by LeT operative T. Naseer along with co-accused Junaid Ahmed.

Even after release, he stayed in contact with them, transported hand… pic.twitter.com/vEyxKyzBt3

— Sanatan Prabhat (@SanatanPrabhat) May 6, 2026

१. छोटा उस्मान कारागृहात बंद असतांना कट्टरतावादी बनला आणि टी. नासीर अन् सह आरोपी जुनैद अहमद यांच्या संपर्कात आला. सुटका झाल्यानंतरही तो सातत्याने त्यांच्या संपर्कात राहिला. मे २०२३ मध्ये त्याने हरियाणाच्या अंबाला येथून हातबाँब बेंगळुरूमध्ये दुसर्‍या आरोपीपर्यंत पोचवले होते. पोलीस टी. नासीर याला कारागृहातून न्यायालयात नेत असतांना त्याला पळवून नेण्याच्या कटातही तो सहभागी होता.

Special court has sentenced another key LeT operative, Vikram Kumar @ Chota Usman, to 7 years RI, with fine, in  the 2023 Bengaluru prison radicalisation case. Total convictions in the case has gone up to 8. pic.twitter.com/cMfl0RIC7g

— NIA India (@NIA_India) May 2, 2026

२. हे प्रकरण जुलै २०२३ मध्ये समोर आले होते, जेव्हा बेंगळुरू केंद्रीय गुन्हे शाखेने शहरात आतंकवादी आक्रमणाचा कट रचणार्‍या आरोपींकडून शस्त्रे, दारुगोळा आणि संचार उपकरणे जप्त केली होती. नंतर ऑक्टोबर २०२३ मध्ये राष्ट्रीय अन्वेषण यंत्रणेने कारागृहाच्या आत तरुणांना कट्टरतावादी बनवणारे आणि भरती करणारे मोठे जाळे उघड केले होते.