BLA Claim : गेल्या १० दिवसांत केलेल्या २७ आक्रमणांत ४२ पाकिस्तानी सैनिक ठार

क्वेटा (बलुचिस्तान) – बलुच लिबरेशन आर्मीने म्हटले आहे की, त्यांनी १५ एप्रिल ते २५ एप्रिल या कालावधीत पाकिस्तानी सुरक्षादलांवर २७ आक्रमणे केली. या आक्रमणांत ४२ पाकिस्तानी सुरक्षा कर्मचारी मारले गेले, अनेक जण घायाळ झाले, तर एका सैनिकाला बंदी बनवण्यात आले. संघटनेने पाकिस्तानी सुरक्षादलांच्या अनेक चौक्यांवर नियंत्रण मिळवल्याचा आणि पाकिस्तानी सुरक्षादलांची शस्त्रे लुटल्याचाही दावा केला आहे.

संघटनेचे प्रवक्ते जीयंद बलोच यांनी प्रसिद्ध केलेल्या निवेदनात म्हटले आहे की, संघटनेच्या लढवय्यांनी पाकिस्तानी सुरक्षादलांना लक्ष्य करून बाँबस्फोट करणे, दबा धरणे, धाडी घालणे आणि ड्रोन यांद्वारे ही आक्रमणे केली.