G. Parameshwara : कर्नाटकाचे गृहमंत्री जी. परमेश्वर यांच्या चौकशीच्या आदेशाला उच्च न्यायालयाची स्थगिती !

बेंगळुरू (कर्नाटक) – क्रिकेट स्पर्धेत सट्टा लावल्याच्या आरोपाच्या प्रकरणी कर्नाटकाचे गृहमंत्री डॉ. जी. परमेश्वर यांच्याविरुद्ध गुन्हा नोंदवून चौकशी करण्याचा आदेश लोकप्रतिनिधींच्या विशेष दंडाधिकारी न्यायालयाने दिला होता. या आदेशाला कर्नाटक उच्च न्यायालयाने आता स्थगिती दिली आहे. गृहमंत्री, तसेच तुमकूरुच्या जिल्हाधिकारी शुभा कल्याण यांचाही यात समावेश होता. न्यायमूर्ती एस्. सुनील दत्त यादव यांच्या खंडपिठाने ‘थट्टा-मस्करी करणे, हा फौजदारी गुन्हा ठरतो का ?’, असा प्रश्न उपस्थित करत या आदेशाला स्थगिती दिली.

काय आहे प्रकरण ?

परमेश्वर यांची बाजू मांडणारे ज्येष्ठ अधिवक्ता के.एन्. फणींद्र म्हणाले की, एका स्पर्धेत दक्षिण कन्नडचा संघ जिंकला होता. त्यानंतर परमेश्वर यांनी केवळ मजेत ‘मी ५०० रुपयांची पैज लावून हरलो’, असे म्हटले होते. (राजकारण्यांचे वर्तन आदर्शत्वाला धरून असले पाहिजे. अर्थात् काँग्रेससारख्या भ्रष्टाचारात आकंठ बुडालेल्या पक्षाच्या मंत्र्यांकडून कोणती अपेक्षा करायची ? – संपादक)