सनातन प्रभात > Post Type > बातम्या > आंतरराष्ट्रीय बातम्या > इराणकडून महाराष्ट्राच्या निसर्गसंपन्नतेचा ‘व्हिडिओ’ प्रसारित करत डॉनल्ड ट्रम्प यांना प्रत्युत्तर !

इराणकडून महाराष्ट्राच्या निसर्गसंपन्नतेचा ‘व्हिडिओ’ प्रसारित करत डॉनल्ड ट्रम्प यांना प्रत्युत्तर !

भारताचा अवमान केल्याचे प्रकरण !

अमेरिकेचे राष्ट्राध्यक्ष डॉनल्ड ट्रम्प

मुंबई – अमेरिकेचे राष्ट्राध्यक्ष डॉनल्ड ट्रम्प यांनी भारताचा उल्लेख ‘नरक’ असा केल्याने जगभरातून त्यांच्याविषयी संताप व्यक्त होत आहे. इराणने महाराष्ट्राची समृद्ध संस्कृती आणि निसर्गसौंदर्य यांचा संदर्भ देत ट्रम्प यांना प्रत्युत्तर दिले.

‘ट्रम्प यांच्यासाठी कुणीतरी ‘सांस्कृतिक शुद्धीकरणा’ची सफर (प्रवास) आयोजित करायला हवी, म्हणजे त्यांची वायफळ बडबड बंद होईल’, अशा शब्दांत इराणच्या मुंबईतील महावाणिज्य दूतावासाने ट्रम्प यांच्यावर टीका केली आहे. ‘ट्रम्प यांनी एकदा भारतात येऊन येथील महानता पहावी आणि मगच बोलावे’, असे आवाहन दूतावासाने केले आहे.

ट्रम्प यांनी अमेरिकेतील जन्मसिद्ध नागरिकत्वाच्या संदर्भात एका पत्राचा आधार घेत भारत आणि चीन हे देश ‘नरकासमान’ असल्याची टिप्पणी केली होती. यावर भारताच्या परराष्ट्र मंत्रालयाने खेद व्यक्त करून ट्रम्प यांचे विधान अपुर्‍या माहितीवर आधारित असल्याचे म्हटले आहे.

संपादकीय भूमिका

भारताला ‘नरक’ म्हणणार्‍या विदेशी नेत्यांना त्यांच्याच भाषेत उत्तर देणे आवश्यक आहे. भारताची आध्यात्मिक आणि सांस्कृतिक संपन्नता न समजणार्‍यांना अशी चपराक मिळायलाच हवी !

नूतन लेख