Manipur Violence : मणीपूर येथे फुटीरतावाद्यांकडून दोघांची हत्या

इंफाळ (मणीपूर) – येथील उखरुल जिल्ह्यात १८ एप्रिल या दिवशी दुपारी अडीच वाजता एका निवृत्त सैन्य अधिकार्‍यासह एका व्यक्तीची गोळ्या झाडून हत्या करण्यात आली. एस्.डब्ल्यू. चिनाओशांग आणि यरुइंगम वाशुम अशी त्यांची नावे असून दोघे इंफाळहून उखरुलला जात असतांना फुटीरतावाद्यांनी त्यांच्या गाडीवर गोळीबार केला.

‘कुकी जो कौन्सिल’ने या घटनेत कुकी समुदायाच्या कोणताही हात नसल्याचे सांगितले आहे, तर ‘तंगखुल नागा लाँग’च्या कार्यकारी समितीने घटनेचा निषेध करत ‘हे आक्रमण कुकी समुदायाने केले आहे’, असा आरोप केला आहे.

या प्रकरणाचे अन्वेषण राष्ट्रीय अन्वेषण यंत्रणेकडे सोपवण्यात आले आहे. सुरक्षादले आक्रमणकर्त्यांचा शोध घेत आहेत. या घटनेच्या एक दिवस आधीच मुख्यमंत्री युमनाम खेमचंद सिंह यांनी उखरुलला भेट दिली होती आणि कुकी आणि नागा समुदाय यांना शांतता राखण्याचे आवाहन केले होते.