‘गौ टेक एक्स्पो’ परिषदेमध्ये तज्ञांनी केले ‘गाय आणि गायीचे महत्त्व’ विशद !

पुणे, २५ मार्च (वार्ता.) – सिंचननगर, शिवाजीनगर येथील कृषी महाविद्यालयाच्या मैदानावर ‘गौ टेक एक्स्पो’ हे ‘गाय आधारित वैश्विक शिखर संमेलन आणि भव्य प्रदर्शन’ यांचे आयोजन केले आहे. ‘ग्लोबल कॉन्फडरेशन ऑफ काऊ इंडस्ट्रीज्’ आणि ‘महाराष्ट्र गौसेवा आयोग’ यांच्या संयुक्त विद्यमाने हे प्रदर्शन भरवले आहे. संमेलनात किसान संमेलन, गाय आणि कृषीविज्ञान, पंचगव्य चिकित्सक संमेलन, आरोग्य विज्ञान आदी विषयांवर तज्ञांनी मार्गदर्शन केले. व्यावहारिक आणि शैक्षणिक ज्ञानासाठी गायीच्या संदर्भातील शिक्षण कसे उपयोगी ठरते ? तसेच अर्थव्यवस्था, आरोग्य आणि गोआधारित शेतीने काय लाभ होतात ? यांवरही तज्ञांनी मार्गदर्शन केले.