हिंदु नववर्षाचे ग्रहयोग : ज्योतिषशास्त्रीय विश्लेषण !

हिंदु नववर्ष हे चैत्र शुक्ल प्रतिपदेला नवरात्रीची आदिशक्ती देवी भगवतीच्या पूजेने चालू होण्यामागील कारण ! 

आध्यात्मिक दृष्टीकोनातून ‘काळ’ अनंत आणि अविभाज्य असला, तरी आपल्या हिंदु ऋषिमुनींनी सांसारिक आणि व्यावहारिक समतुल्य काळाची चार युगे (सत्ययुग, त्रेतायुग, द्वापरयुग आणि कलियुग), सहस्रयुग, शतक, दशक, वर्ष, मास, दिवस, घटी, पल आणि विपल अशा विविध एककांमध्ये विभाजन करून काळ मोजण्याची योग्य पद्धत स्थापित केली आहे. प्राच्य आणि ज्योतिषीय ग्रंथांमध्ये वर्णन आहे की, ब्रह्माने विश्वाची निर्मिती चैत्र शुक्ल प्रतिपदेला चालू केली आणि काळ मोजण्याची पद्धतही त्याच दिवसापासून चालू झाली. हिंदु नववर्ष हे चैत्र शुक्ल प्रतिपदेला नवरात्रीची आदिशक्ती देवी भगवतीच्या पूजेने चालू होण्याचे हेच मुख्य कारण आहे.

आगामी हिंदु नववर्ष संवत २०८३ !

चैत्र शुक्ल प्रतिपदेपासून हिंदु नववर्षाचा हा प्रारंभ अत्यंत शास्त्रीय, नैसर्गिक, वैज्ञानिक आणि स्वाभाविक आहे. या वेळी, सर्व निसर्ग आणि सजीव प्राणी हे नवीन चेतना, ऊर्जा आणि उत्साह यांनी भरलेले असतात. देशातील विविध राज्ये आणि हिंदु समुदाय यांमध्ये हा सण गुढीपाडवा (महाराष्ट्र/गुजरात), चेतीचंड (सिंधी समुदाय), युगादि (कर्नाटक), उगादि (आंध्रप्रदेश/तेलंगाणा), संवत्सर पाडवा (केरळम् आणि गोव्यातील कोकणी समुदाय), नवरेह (जम्मू आणि काश्मीर), सजिबू नोंगमा (मणिपूर), वैशाखी (पंजाब/हरियाणा), नववर्ष (बंगाल), ज्योतिष दिन इत्यादी म्हणून ओळखला जातो अन् साजराही केला जातो. आगामी हिंदु नववर्ष (संवत २०८३) चैत्र शुक्ल प्रतिपदा म्हणजेच १९ मार्च २०२६ या दिवसापासून चालू होईल.

– आचार्य डॉ. अशोक कुमार मिश्रा, सभापती, विश्व ज्योतिष महासंघ, बिहार.

अंकशास्त्राच्या दृष्टीकोनातून आगामी हिंदु नववर्षाचे फल !

राहू हा राजकारण, शंका, अचानक उदय आणि अस्त, फुटीरतावाद, अपूर्णता, अशांतता, उन्माद, अश्लीलता आणि कलंक यांचा कारक आहे. तो स्वभावाने शनीसारखा असतो. यावर्षी तो शनीच्या कुंभ आणि मकर या दोन राशींमध्ये बलवान होऊन गोचर करील. अशा परिस्थितीत देशासह जगात राजकीय अस्थिरता येण्याची शक्यता आहे. तेव्हा राजकारणाचे घृणास्पद आणि असभ्य स्वरूप दिसून येईल. राजकारण आणि राजकारणी कलंकित होतील अन् जनता त्यांच्याकडे संशयाने पाहील. जग, भारत आणि हिंदु समाज यांच्यामध्ये संशय, शत्रुत्व, फुटीरतावाद अन् वरील प्रवृत्ती प्रबळ रहातील. सामाजिक आणि राष्ट्रीय परिस्थितींमध्ये जलद चढउतार शक्य आहेत. भू-राजकीय परिस्थिती अनिश्चित आणि अस्थिर राहील. सनातनी हिंदु समाजावर फुटीरतावाद, अस्थिरता आणि परस्पर वैरभाव यांचा विपरीत परिणाम होईल. राष्ट्र्रवादी शक्ती, राष्ट्रप्रेमी-धर्मप्रेमी यांच्यात सुसंवादाचा अभाव दिसून येईल. यामुळे राष्ट्र आणि समाज एकसंध ठेवणे आव्हानात्मक ठरू शकते.

– आचार्य डॉ. अशोक कुमार मिश्रा

‘कुंभ आणि मकर या राशी कर्म अन् श्रम यांच्या अधिष्ठाता शनि ग्रहाच्या राशी आहेत. ज्योतिषशास्त्रात राहूला शनिसारखे समजले जाते.’ – आचार्य मिश्रा

राष्ट्र आणि हिंदु धर्म यांच्यावर प्रतिकूल परिणाम ! 

२५ एप्रिल २०२६ या दिवशी युद्धाचा कारक ग्रह आणि ग्रहांमध्ये ‘सेनापती’ म्हणून ओळखल्या जाणार्‍या मंगळाच्या उदयानंतर युद्धोन्माद अन् अशांतता वाढण्याची शक्यता आहे. ज्योतिषशास्त्रीय दृष्टीकोनातून इतर ग्रह सूर्य, बुध आणि शुक्र यांची स्थिती राष्ट्र अन् हिंदु समाज यांसाठी कधी सकारात्मक, तर कधी नकारात्मक राहील. अर्थात् सरासरी परिणाम फलदायक असतील.

अशा प्रकारे ज्योतिषशास्त्रीय दृष्टीकोनातून थोडक्यात सांगता येते की, नवीन हिंदु वर्ष संवत २०८३ मध्ये संपूर्ण जग, राष्ट्र आणि हिंदु समाज यांच्यात संशय, वैर, फुटीरतावाद यांसारख्या प्रवृत्ती प्रबळ रहातील. सामाजिक आणि राष्ट्रीय परिस्थितीत जलद चढ-उतार होण्याची शक्यता आहे. भू-राजकीय परिस्थिती संशयास्पद आणि अस्थिर राहील. सनातन हिंदु समाजावर फुटीरतावाद, अस्थिरता आणि अंतर्गत वैर यांचा प्रतिकूल प्रभाव निर्माण होईल. राष्ट्रवादी शक्ती, राष्ट्र आणि धर्मप्रेमी यांच्यात एकतेचा अभाव दिसून येण्याची शक्यता आहे. अशा परिस्थितीत राष्ट्र आणि समाज यांना एकसंध ठेवणे आव्हानात्मक असू शकते.

जयतु ! मंगलम् भवतु ! शुभमस्तु !

– आचार्य डॉ. अशोक कुमार मिश्रा, सभापती, विश्व ज्योतिष महासंघ, बिहार.