आसाममध्ये ‘फखरुद्दीन अली अहमद मेडिकल कॉलेज’चे नाव पालटले

गौहत्ती (आसाम) – राज्याचे मुख्यमंत्री हिमंत बिस्वा सरमा यांनी मंत्रीमंडळाच्या बैठकीनंतर बारपेटा येथे असलेल्या ‘फखरुद्दीन अली अहमद मेडिकल कॉलेज’चे नाव पालटण्याचा निर्णय घेतला आहे. हे रुग्णालय यापुढे ‘बरपेटा मेडिकल कॉलेज अँड  हॉस्पिटल’ या नावाने ओळखले जाईल. मुख्यमंत्री सरमा यांनी हेही स्पष्ट केले की, फखरुद्दीन अली अहमद हे भारताचे राष्ट्रपती होते आणि आसाममधून या पदावर पोचणारी पहिली व्यक्ती होती. त्यामुळे त्यांच्या प्रती सन्मान व्यक्त करण्यासाठी सरकार एखाद्या दुसर्‍या महत्त्वाच्या संस्थेला त्यांचे नाव देईल. रुग्णालयाचे नाव पालटण्याचा निर्णय स्थानिक ओळख आणि प्रशासकीय स्पष्टता लक्षात घेऊन घेण्यात आला आहे.