Bangladesh Hindu Murder : बांगलादेशात दोन वेगवेगळ्या घटनांमध्ये २ हिंदूंची हत्या !

शनिदेव पूजेच्या वेळी मंदिरात स्फोट

ढाका – बांगलादेशात ६ आणि ७ मार्च या दिवशी बोगुरा आणि कॉक्स बाजार येथील घटनांमध्ये २ हिंदूंची हत्या करण्यात आली, अशी माहिती ‘बांगलादेश जातीय हिंदु महासंघ’ या संघटनेने दिली आहे. ‘बांगलादेश जातीय हिंदु महासंघा’चे महासचिव मृत्युंजय कुमार रॉय यांनी सांगितले की, ६ मार्च या दिवशी बोगुरा जिल्ह्यातील सारियाकांदी येथे भूमीवरून उद्भवलेल्या वादातून चायोन राजभर (वय ४० वर्षे) नावाच्या हिंदूंची काही धर्मांध गुंडांनी भोसकून हत्या केली. मृत चायोन राजभर हे ‘द न्यू कॉन्टेस्ट’ या स्थानिक प्रशिक्षण केंद्राचे संचालक होते. तसेच ७ मार्च या दिवशी कॉक्स बाजार शहरात गणेश पाल (वय २९ वर्षे) नावाच्या एका हिंदु तरुणाची खंडणी देण्यास नकार दिल्यामुळे जिहाद्यांनी भोसकून हत्या केली. अन्य एका घटनेत येथील श्री शनिदेव मंदिरात पूजेच्या वेळी स्फोट करण्यात आला. (बांगलादेशात नुकतेच तारिक रेहमान यांच्या नेतृत्वाखाली ‘बांगलादेश नॅशनलिस्ट पाटी’चे सरकार स्थापन झाले आहे; तरीही हिंदूंच्या हत्या चालूच आहेत. यावरून बांगलादेशात होणार्‍या हिंदूंच्या हत्या राजकीय स्वरूपाच्या असल्याचे सांगून त्याविषयीचे दायित्व नाकारणार्‍या राज्यकर्त्यांचे पितळ उघडे पडले आहे ! हा हिंदूंच्या वंशविच्छेदाचाच प्रकार आहे, हे यातून स्पष्ट होत आहे ! – संपादक)

यापूर्वी चट्टोग्राम शहरातील अलंकार परिसरात कामगारांकडून खंडणी वसुलीला विरोध केल्यामुळे आकाश दास नावाच्या एका हिंदु युवकाची हत्या करण्यात आली होती. त्याच जिल्ह्यातील चंदनाईश उपजिल्ह्यातील बदूरपारा परिसरात गुरांची चोरी रोखण्याचा प्रयत्न केल्यामुळे चंदन डे नावाच्या हिंदूची धर्मांध मुसलमानांनी गोळ्या झाडून हत्या केली होती, अशी माहिती या संघटनेने दिली.