सातारा येथे अफूची शेती करणार्‍याला अटक !

सातारा – खंडाळा तालुक्यातील शिरवळ पोलिसांनी मोठी कारवाई करत भादे गावातील अफूची झाडे शासनाधीन केली आहेत. या झाडांचे बाजारमूल्य अनुमाने २ लाख रुपये आहे. या प्रकरणी पोलिसांनी आरोपी अशोक दगडू गायकवाडला अटक केली. न्यायालयात उपस्थित केले असता २ दिवसांची पोलीस कोठडी दिली आहे.

शिरवळ पोलिसांना भादे गावामध्ये एका शिवारात २ ठिकाणी अफूची शेती केली जात असल्याची माहिती मिळाली. पोलिसांनी तातडीने फॉरेन्सिक (न्यायवैद्यक) पथक आणि शासकीय पंच यांसह घटनास्थळी धाव घेतली. पोलीस पथकाने अनुमाने २ लाख रुपये किमतीची ७ किलो ९१५ ग्रॅम अफू शासनाधीन केली.