‘२२.२.२०२४ या दिवशी महर्षींनी नाडीपट्टीत उल्लेखिल्यानुसार रामनाथी (गोवा) येथील सनातन संस्थेच्या आश्रमात (आश्रम परिसरातील श्री तनोटमाता देवळासमोर) घंटेची स्थापना आणि पूजन करण्यात आले. त्यानंतर साधक पुरोहितांनी ती घंटा १-२ मिनिटे वाजवली.
‘घंटा वाजवल्यावर त्यातून उत्पन्न होणार्या नादाचा देऊळ, देवळातील देवता आणि व्यक्ती यांच्यावर आध्यात्मिकदृष्ट्या काय परिणाम होतो ?’, हे अभ्यासण्यासाठी ‘महर्षि अध्यात्म विश्वविद्यालया’च्या वतीने काही संशोधनात्मक चाचण्या करण्यात आल्या. या चाचण्यांसाठी लोलकाचा उपयोग करण्यात आला. लोलकाने वस्तू, वास्तू अन् व्यक्ती यांच्यातील सकारात्मक आणि नकारात्मक ऊर्जा मोजता येतात. हे संशोधन पुढे दिले आहे.
१. चाचण्यांतील नोंदींचे विवेचन
या प्रयोगात घंटानादापूर्वी (घंटा वाजवण्यापूर्वी) आणि घंटानादानंतर (घंटा वाजवल्यानंतर) देऊळ, देवळातील देवता (श्री तनोटमातेची मूर्ती, शिवस्वरूप व्यासशिळा, श्री त्रिनेत्र गणेशाची मूर्ती आणि त्रिशूळ), घंटा, साधक पुरोहित आणि आध्यात्मिक त्रास असलेल्या अन् नसलेल्या विविध आध्यात्मिक पातळीच्या ४ साधिका यांची छायाचित्रे काढण्यात आली. या सर्व छायाचित्रांच्या लोलकाने चाचण्या करण्यात आल्या. या चाचण्यांतील नोंदींचे विवेचन पुढे दिले आहे.
१ अ. घंटा वाजवल्यानंतर देऊळ, देवळातील देवता आणि घंटा यांच्यातील सकारात्मक ऊर्जेत पुष्कळ वाढ होणे : देऊळ, देवळातील देवता आणि घंटा यांच्यामध्ये नकारात्मक ऊर्जा आढळली नाही. घंटा वाजवल्यानंतर या सर्वांतील सकारात्मक ऊर्जेत पुष्कळ प्रमाणात वाढ झाली, हे पुढे दिलेल्या नोंदींवरून लक्षात येते.
१ अ १. निष्कर्ष : देऊळ, देवळातील देवता आणि घंटा यांच्यामध्ये आरंभीही पुष्कळ प्रमाणात सकारात्मक ऊर्जा होती. घंटा वाजवल्यानंतर या सर्वांतील सकारात्मक ऊर्जेची प्रभावळ अनुमाने ३०० ते ७५० मीटरने वाढली. घंटानादातून प्रक्षेपित झालेल्या चैतन्याचा हा सकारात्मक परिणाम आहे.
१ आ. घंटानाद ऐकल्यानंतर साधक पुरोहित आणि ४ साधिका यांच्यातील नकारात्मक ऊर्जा नाहीशी होऊन त्यांच्यातील सकारात्मक ऊर्जेत वाढ होणे
१ आ १. निष्कर्ष : घंटानाद ऐकल्यानंतर सर्वांतील नकारात्मक ऊर्जा नाहीशी होऊन त्यांच्यातील सकारात्मक ऊर्जेची प्रभावळ अनुमाने ४ ते ६.४ मीटरने वाढली. घंटानादातून प्रक्षेपित झालेले चैतन्य सर्वांनी त्यांच्या क्षमतेनुसार ग्रहण केले. त्यामुळे त्यांना आध्यात्मिक लाभ झाला. यातून ‘घंटानाद ऐकल्याने व्यक्तीला आध्यात्मिदृष्ट्या लाभ होतो’, हे लक्षात येते.’
– सौ. मधुरा धनंजय कर्वे, महर्षि अध्यात्म विश्वविद्यालय, गोवा. (१३.१०.२०२५)
|
मनुष्याचे शरीर, चित्त, मन आणि बुद्धी यांच्यावर प्रारब्धाचा असलेला प्रभाव अन् त्यांचा ग्रहांशी असलेला संबंध !
स्वीकारण्याची वृत्ती असलेल्या आणि तळमळीने अन् भावपूर्ण सेवा करणार्या रामनाथी (गोवा) येथील सनातनच्या आश्रमातील श्रीमती मधु मेहता !
रामनाथी (गोवा) येथील सनातनच्या आश्रमात झालेल्या साधनावृद्धी शिबिराच्या वेळी साधकांना जाणवलेली सूत्रे आणि आलेल्या अनुभूती
साधकांचा आधारस्तंभ असलेल्या आणि भजनांतून देवाला आळवणार्या ६१ टक्के आध्यात्मिक पातळीच्या नागपूर येथील कै. (सौ.) जयश्री क्षीरसागर (वय ७१ वर्षे) !
साधक, धर्मप्रेमी आणि हिंदुत्वनिष्ठ यांना मार्गदर्शन करून त्यांना साधना करण्यास उद्युक्त करणारे कर्नाटकातील सनातनचे ७५ वे (समष्टी) संत पू. रमानंद गौडा (वय ५० वर्षे) !
गुरुकृपायोगानुसार साधनेच्या अंतर्गत ‘सत्संग’ आणि कला !