सनातन श्वास माझा, प्राण सनातन ।

सनातन श्वास माझा, प्राण सनातन ।
सनातन गुरु माझा, बंधू सनातन ।।

धर्म-अध्यात्म यांचे नित्य करी विवेचन ।
भाषाशुद्धीसह संस्कारांचे करी प्रबोधन ।।

हिंदु संस्कृती-इतिहासाचे देई प्रशिक्षण ।
मातृभूमी-धर्मासाठी त्यागाची शिकवण ।।

स्वाभिमानी हिंदुत्वाचे निर्भीड दर्पण ।
तन-मन-धन यांचे अर्पण ।।

वाचे नित्य सनातन अमृताचे पान ।
मृतप्राय हिंदुत्वाला देई संजीवन ।।

अधर्म-अज्ञानाचे करी उच्चाटन ।
‘सनातन प्रभात’ला दैवी अधिष्ठान ।।

धर्महानी रोखण्या मी घेतले हे वाण ।
अर्पितो मी आज माझे पंचप्राण ।।

काया, वाचे, मने राहो नित्य सनातन ।
प्रार्थना ही देवा तुला करी विनवून ।।

– श्री. श्रीधर पाटील, नवीन पनवेल, जिल्हा रायगड

महिमा सनातनचा ।

हा महिमा सनातनचा । हा प्रकाश ज्ञानदीपाचा ।।

मार्ग आहे जीवनाचा । सुगंध भक्तीभावाचा ।।

व्यवहार शब्दसुमनांचा ।। अभिमान मातृभूमीचा ।।

त्याग क्रांतीकारकांचा । हुंकार हिंदुत्वाचा ।।

अंगार क्षात्रतेजाचा । झंकार पराक्रमाचा ।।

आवाज सह्याद्रीचा बाणा शिवरायांचा ।।

गौरव राष्ट्रभक्तीचा । विजय स्वाभिमानाचा ।।

प्रसाद गुरुकृपेचा । मंत्रमोक्ष मुक्तीचा ।।

मुकुट वृत्तपत्रांचा । आविष्कार पत्रकारितेचा ।।

बहर प्रतिभेचा । प्रयत्न सत्यकथनाचा ।।

– श्री. श्रीधर पाटील, नवीन पनवेल, जिल्हा रायगड