सनातन प्रभात > Post Type > बातम्या > राष्ट्रीय बातम्या > गदग (कर्नाटक) येथील रामलिंगेश्वर मंदिरात घुसून शिवलिंग आणि नंदीची मूर्ती यांची तोडफोड

गदग (कर्नाटक) येथील रामलिंगेश्वर मंदिरात घुसून शिवलिंग आणि नंदीची मूर्ती यांची तोडफोड

महाशिवरात्रीच्या दिवशीच संतापजनक घटना

फोडण्यात आलेले शिवलिंग आणि नंदीची मूर्ती

मंगळुरू (कर्नाटक) – देशभरात महाशिवरात्रीचा उत्साह असतांनाच गदग जिल्ह्यातील  मुंडरगी तालुक्यातील शिंगटालूरु येथील रामलिंगेश्वर मंदिरात शिवलिंग आणि नंदीची मूर्ती यांची तोडफोड करण्यात आली. विशेष म्हणजे महाशिवरात्रीनिमित्त आदल्या दिवशीच ग्रामस्थांनी मंदिराची स्वच्छता करून रंगरंगोटी आणि सजावट केली होती. सकाळी जेव्हा भक्त पूजेसाठी मंदिरात पोचले, तेव्हा मूर्तींची विटंबना झाल्याचे पाहून त्यांना मोठा धक्का बसला. या कृत्यामुळे ग्रामस्थ संतप्त झाले असून दोषींना तातडीने अटक करून त्यांच्यावर कठोर कारवाई करण्याची मागणी करण्यात आली आहे.

अज्ञातांनी रात्रीच्या अंधारात मंदिरात प्रवेश करून श्री रामलिंगेश्वर शिवलिंग आणि नंदीची मूर्ती फोडली. तसेच मंदिराच्या मागील बाजूस असलेल्या श्री होन्नम्मादेवीच्या मूर्तीचीही हानी केली.

(ही छायाचित्रे / व्हिडिओ देण्यामागे कुणाच्याही धार्मिक भावना दुखावण्याचा आमचा उद्देश नसून हिंदु विरोधकांनी केलेले विडंबन कळावे, या उद्देशाने हे प्रसिद्ध केले आहे. –  संपादक)

संपादकीय भूमिका

हिंदूंच्या जाणीवपूर्वक धार्मिक भावना दुखावण्यासाठीच महाशिवरात्रीच्या दिवशीच असे कृत्य करण्यात आले आहे. हिंदूंच्या देशात अशा प्रकारची घटना घडण्याचे कुणाला धाडस होणे, हे हिंदूंसाठी लज्जास्पद आहे !

नूतन लेख