सनातन प्रभात > Post Type > बातम्या > आंतरराष्ट्रीय बातम्या > Bangladesh Hindu Murder : बांगलादेशामध्ये हिंदु व्यापार्‍याची हत्या

Bangladesh Hindu Murder : बांगलादेशामध्ये हिंदु व्यापार्‍याची हत्या

हत्या झालेले सुसेन चंद्र सरकार

ढाका (बांगलादेश) – बांगलादेशातील मैमेनसिंह जिल्ह्यात सुसेन चंद्र सरकार (वय ६२ वर्षे) या हिंदु व्यापार्‍याची ९ फेब्रुवारीच्या रात्री अज्ञातांकडून हत्या करण्यात आली.   याच जिल्ह्यात यापूर्वी दीपू चंद्र दास या हिंदु तरुणाची मुसलमान जमावाकडून जिवंत जाळून हत्या करण्यात आली होती.

सुसेन सरकार धान्य व्यापारी होते आणि डाकिनकांडा गावात रहात होते. त्यांचे ‘भाई भाई एंटरप्राइज’ नावाचे दुकान बोगर बाजार चौकात होते. रात्री ११ वाजण्याच्या सुमारास अज्ञातांनी सुसेन चंद्र सरकार यांच्यावर धारदार शस्त्राने आक्रमण केले. त्यानंतर सरकार यांना दुकानातच डांबून शटर बंद करण्यात आले. सरकार यांचे कुटुंबीय त्यांचा शोध घेत दुकानात गेले असता ते रक्तबंबाळ अवस्थेत आढळले.

१७ हिंदूंच्या हत्या

१२ फेब्रुवारीला बांगलादेशात संसदेसाठी सार्वत्रिक निवडणुकीसाठी मतदान होत आहे. या निवडणुकीच्या पार्श्वभूमीवर हिंदूंच्या हत्या केल्या जात आहे, असा आरोपी हिंदु संघटनांकडून करण्यात आला आहे. डिसेंबर २०२५ ते जानेवारी २०२६ या कालावधीत १७ हिंदूंच्या हत्या झाल्याची नोंद आहे. वर्ष २०२२ च्या जनगणनेनुसार बांग्लादेशमध्ये हिंदूंची लोकसंख्या सुमारे ८ टक्के आहे.

संपादकीय भूमिका

बांगलादेशात हिंदू असुरक्षित !

नूतन लेख