Russia Ukraine War : रशियाचे युक्रेनवर ४५० ड्रोन आणि ७० क्षेपणास्त्रे यांद्वारे मोठे आक्रमण

कीव (युक्रेन) – रशियाने युक्रेनवर या वर्षीचे सर्वांत मोठे आक्रमण केले. युक्रेनचे राष्ट्राध्यक्ष व्लोदिमिर झेलेंस्की यांच्या मते रशियाने एकाच रात्री लांबपल्ल्याचे सुमारे ४५० ड्रोन आणि ७० हून वेगवेगळे क्षेपणास्त्रे डागली. हे आक्रमण युक्रेनच्या ५ भागांत करण्यात आले. यात वीज केंद्रांना लक्ष्य करण्यात आले. यात किमान १० जण घायाळ झाले. विशेष म्हणजे या आक्रमणाच्या वेळी ‘नाटो’चे (‘नॉर्थ अटलांटिक ट्रीटी ऑर्गनायझेशन’ नावाची जगातील २९ देशांचा सहभाग असलेल्या एक सैनिकी संघटनेचे) महासचिव मार्क रुट युक्रेनची राजधानी कीव येथे पोचले होते.

नाटो युक्रेनला साहाय्य करत रहाणार ! – नाटोचे सरचिटणीस

नाटोचे सरचिटणीस मार्क रुट यांनी युक्रेनच्या संसदेत सांगितले की, ‘नाटो देश युक्रेनला साहाय्य करत रहातील.’ गेल्या वर्षापासून नाटो देशांनी युक्रेनला आवश्यक असलेल्या ७५ टक्के क्षेपणास्त्रांचा आणि ९० टक्के हवाई संरक्षण प्रणालींचा पुरवठा केला आहे.