कोरेगाव पार्कमध्ये मद्याच्या अवैध मेजवानीवर पोलिसांची धाड

९ अल्पवयीन आणि ७१ तरुण-तरुणी कह्यात !

पुणे – राज्य उत्पादन शुल्क विभागाच्या पथकाने कोरेगाव पार्क येथील लिबर्टी सोसायटीत चालू असलेल्या मद्याच्या अवैध मेजवानीवर धाड घालून ९ अल्पवयीन, तसेच ७१ तरुण-तरुणींना कह्यात घेतले. येथून १५ सहस्र ५०० रुपये किमतीचे विदेशी मद्य आणि बियर यांचा साठाही शासनाधीन केला आहे. कह्यात घेतलेल्यांच्या विरोधात महाराष्ट्र दारूबंदी कायद्यान्वये कारवाई केली आहे. ओम भापकर याने ही मेजवानी आयोजित केली होती. पुण्याबाहेरील तरुण-तरुणी यात सहभागी झाले होते. अधीक्षक अतुल कानडे यांच्या पथकाने कोरेगाव पार्कमधील गृहनिर्माण संस्थेतील सदनिकेवर धाड घातली होती.