सनातन प्रभात > Post Type > बातम्या > राष्ट्रीय बातम्या > शंकराचार्य श्री स्वामी अविमुक्तेश्वरानंद यांच्या हस्ते हिंदुत्वनिष्ठ मयंक जैन आणि मीनाक्षी शरण यांचा सन्मान

शंकराचार्य श्री स्वामी अविमुक्तेश्वरानंद यांच्या हस्ते हिंदुत्वनिष्ठ मयंक जैन आणि मीनाक्षी शरण यांचा सन्मान

हिंदुत्वनिष्ठ मयंक जैन यांचा सन्मान

नवी देहली – हिंदुत्वनिष्ठ मयंक जैन यांच्या ‘क्रिमसन क्रिसेंट – द लास्ट क्वार्टर’ या माहितीपटाचे १२ डिसेंबर या दिवशी ‘कुरुक्षेत्र गुरुकुल फाऊंडेशन धर्म अलंकार’ या कार्यक्रमात जगद्गुरु ज्योतिर्मठ शंकराचार्य श्री स्वामी अविमुक्तेश्वरानंद यांच्या हस्ते यांच्या हस्ते लोकार्पण करण्यात आले. या वेळी त्यांना शंकराचार्य यांनी पारितोषिकही प्रदान केला. मयंक जैन यांनी म्हटले की, हा केवळ पुरस्कार नसून ही एक सांस्कृतिक चळवळीला मिळालेली पोचपावती आहे.

‘क्रिमसन क्रिसेंट – द लास्ट क्वार्टर’ या माहितीपटामध्ये आफ्रिका, दक्षिण आशिया आणि दक्षिण-पूर्व आशिया येथे मदरशांमधून वहाबी विचारसरणी (वहाबी विचारसरणी ही कुराण आणि सुन्नत यांच्यातील लिखाणाच्या शब्दश: अर्थावर जोर देते) कशा प्रकारे प्रसृत केली जाते, याविषयी माहिती आहे. ही माहिती प्रसृत करणारा सौदी अरेबियामध्ये राजकुमार महंमद बिन सलमान (एम्.बी.एस्.) यांच्या नेतृत्वाखाली सुधारणावादाचे वारे वाहू लागले आहे. ‘राजकुमार महंमद बिन सलमान कट्टर इस्लाममध्ये सुधारणा घडवून आणणार का ?’, असा प्रश्न या माहितीपटात विचारण्यात आला आहे.

हिंदुत्वनिष्ठ मीनाक्षी शरण देवी दुर्गा पुरस्काराने सन्मानित

सौ. मीनाक्षी शरण, संस्‍थापिका, अयोध्‍या फाऊंडेशन.

गेल्या १ सहस्र ४०० वर्षांत सनातन धर्माच्या संरक्षणासाठी आपल्या प्राणांची आहुती दिलेल्या ८० कोटींहून अधिक हिंदूंच्या स्मरणार्थ ‘अयोध्या फाऊंडेशन’च्या संस्थापिका मीनाक्षी शरण गेल्या १० वर्षांपासून सामूहिक तर्पण उपक्रम राबवत आहेत. त्यांच्या कार्याची नोंद घेऊन स्वामी अविमुक्तेश्वरानंद यांनी त्यांना देवी दुर्गा पुरस्काराने सन्मानित केले.

‘शंकराचार्य यांनी दिलेल्या आशीर्वादामुळे हा उपक्रम राबवणार्‍या हिंदुत्वनिष्ठांचा संकल्प अधिक दृढ झाला आहे’, असे मीनाक्षी शरण यांनी म्हटले आहे.

नूतन लेख