Shankhnad Mahotsav Delhi : सनातन राष्ट्र शंखनाद महोत्सवात सहभागी होऊन हिंदूंनी धर्मजागृतीच्या कार्यात योगदान द्यावे ! – महंत यति मां चेतनानंद सरस्वती, डासना पीठ, गाझियाबाद, उत्तरप्रदेश

देहली – सनातन संस्थेचा २५ वर्षांचा प्रवास सनातनी हिंदूंमध्ये संस्कार, संस्कृती आणि क्षात्रतेज निर्माण करणारा आहे. नवी देहली येथे होणारा ‘सनातन राष्ट्र शंखनाद महोत्सव’ इतिहास घडवणार आहे. शूर योद्ध्यांच्या शस्त्रांचे भव्य प्रदर्शन हे या कार्यक्रमाचे विशेष आकर्षण आहे. हे प्रदर्शन तरुणांमध्ये वीरतेची भावना निर्माण करून त्यांना देश आणि धर्म यांसाठी समर्पित होण्याची प्रेरणा देईल.

सनातन राष्ट्र शंखनाद महोत्सवात सहभागी होऊन हिंदूंनी धर्मजागृतीच्या कार्यात योगदान द्यावे, असे आवाहन उत्तरप्रदेशमधील गाझियाबाद येथील डासना पिठाच्या महंत यति मां चेतनानंद सरस्वती यांनी केले.

१३ आणि १४ डिसेंबर या कालावधीत नवी देहली येथे होणार्‍या सनातन राष्ट्र शंखनाद महोत्सवाच्या निमित्ताने महंत यति मां चेतनानंद सरस्वती यांनी हिंदूंना वरील आवाहन केले.