Shankhnad Mahotsav Delhi : विविध राज्यांतील मान्यवरांना ‘सनातन राष्ट्र शंखनाद’ महोत्सवाचे निमंत्रण !

नवी देहली – देहली येथे होणार्‍या ‘सनातन राष्ट्र शंखनाद’ महोत्सवासाठी विविध राज्यांतील आणि क्षेत्रांतील महनीय व्यक्तींना निमंत्रित करण्यात आले आहे. १३ आणि १४ डिसेंबर या दिवशी देहलीतील सुप्रसिद्ध ‘भारत मंडपम्’मध्ये हा महोत्सव होणार आहे.

सनातन संस्थेच्या सौ. शुभ्रा भार्गव, श्रीमती अर्चना खेमका आणि आशा राठी यांनी राजस्थानचे शिक्षणमंत्री श्री. मदन दिलावर यांची भेट घेऊन त्यांना महोत्सवाचे निमंत्रण दिले. हिंदु जनजागृती समितीचे मध्यप्रदेश आणि राजस्थान समन्वयक श्री. आनंद जाखोटिया यांनी भीलवाडा (राजस्थान) येथील आमदार आणि गोसेवक श्री. अशोक कोठारी यांची भेट घेऊन त्यांना सनातन राष्ट्र शंखनाद महोत्सवाचे निमंत्रण दिले. या वेळी सनातनच्या साधिका सौ. शुभ्रा मोदी आणि सौ. कल्पना काबरा उपस्थित होत्या. सनातन संस्थेच्या साधिका सौ. मंजुळा कपूर यांनी देहलीचे सार्वजनिक बांधकाममंत्री श्री. परवेश साहिब सिंह वर्मा यांची भेट घेऊन त्यांना महोत्सवाचे निमंत्रण दिले. हिंदु जनजागृती समितीचे राष्ट्रीय प्रवक्ते रमेश शिंदे आणि सुदर्शन न्यूज वृत्तवाहिनीचे मुख्य संपादक डॉ. सुरेश चव्हाणके यांनी भाजपचे राष्ट्रीय प्रवक्ते श्री. सुधांशू त्रिवेदी यांची भेट घेऊन त्यांना महोत्सवाचे निमंत्रण दिले.