सनातन प्रभात > Post Type > बातम्या > राष्ट्रीय बातम्या > Bengaluru Robbery : बेंगळुरू येथे ए.टी.एम्.मध्ये भरण्यासाठी नेण्यात येणारे ७ कोटी रुपये चोरट्यांनी लुटले !

Bengaluru Robbery : बेंगळुरू येथे ए.टी.एम्.मध्ये भरण्यासाठी नेण्यात येणारे ७ कोटी रुपये चोरट्यांनी लुटले !

चोरट्यांनी स्वतः रिझर्व्ह बँकेचे अधिकारी असल्याचे भासवले !

बेंगळुरू (कर्नाटक) – येथील जयनगर भागात भारतीय रिझर्व्ह बँकेचे अधिकारी असल्याचे भासवून चोरट्यांच्या एका टोळीने ए.टी.एम्.मध्ये भरण्यासाठी नेण्यात येणारे ७ कोटी रुपये लुटले. जयनगर भागातील अशोक स्तंभाजवळ १८ नोव्हेंबरला भरदिवसा ही घटना घडली.

एच्.डी.एफ्.सी. बँकेच्या जेपी नगर शाखेतून सी.एम्.एस्. कंपनीचे वाहन ही रक्कम ए.टी.एम्.मध्ये भरण्यासाठी घेऊन जात होते. अशोक स्तंभाजवळ इनोव्हा या वाहनातून आलेल्या चोरट्यांनी रक्कम असलेल्या गाडीचा मार्ग अडवला. स्वतः रिझर्व्ह बँकेचे अधिकारी असल्याचे सांगून कागदपत्र आणि रोकड पडताळणीचे कारण देत चोरट्यांनी कर्मचार्‍यांना वाहनाबाहेर काढले. क्षणात त्यांनी वाहन आणि रक्कम स्वतःच्या कह्यात घेतली. पोलिसांच्या माहितीनुसार आरोपींनी सी.एम्.एस्.चे कर्मचार्‍यांना स्वतःच्या वाहनात बसवले आणि रक्कमही स्वतःच्या इनोव्हा गाडीत घेऊन डेअरी सर्कलच्या दिशेने निघाले. नंतर त्यांनी कर्मचार्‍यांना उड्डाणपुलावर उतरवले आणि बॅनरघट्टा रोडकडे वेगात निघून गेले.

दक्षिण विभागीय पोलिसांनी शहरभर नाकेबंदी केली असून जयनगर, डेअरी सर्कल आणि बॅनरघट्टा रोड येथील सीसीटीव्ही चित्रिकरण पडताळण्यात येत आहे. पोलिसांनी या संघटित टोळीचा शोध घेण्यासाठी मोहीम चालू केली आहे.

संपादकीय भूमिका

‘कर्नाटकामधील काँग्रेसच्या राजवटीत कायदा आणि सुव्यवस्था नावाचा प्रकार अस्तित्वात आहे का ?’, असा प्रश्न पडतो ! पोलीस आणि सरकार यांना हे लज्जास्पद !

नूतन लेख