चित्तापूर (कर्नाटक) येथील रा.स्व. संघाच्या पथसंचलनाला उच्च न्यायालयाची अनुमती !

वेळ आणि स्वयंसेवक यांत केली कपात

कलबुर्गी (कर्नाटक) – कलबुर्गी जिल्ह्यातील चित्तापूरमध्ये राष्ट्रीय स्वयंसेवक संघाच्या पथसंचलनाला कर्नाटक उच्च न्यायालयाच्या कलबुर्गी पिठाने अनुमती दिली आहे. काही अटी घालून १६ नोव्हेंबर या दिवशी पथसंचलन करण्याची अनुमती देण्यात आली आहे. दुपारी ३.३० ते सायंकाळी ६.३० वाजेपर्यंत या संचलनासाठी अनुमती मागण्यात आली होती; मात्र न्यायालयाने सायंकाळी ५.४५ वाजेपर्यंतची वेळ दिली आहे, तसेच ८५० गणवेशधारी स्वयंसेवकांसाठी अनुमती मागण्यात आली होती, तर न्यायालयाने केवळ ३०० गणवेशधारी स्वयंसेवकांना सहभागी होण्याची अनुमती दिली आहे.