Harmeet Singh Pathanmajra : पंजाबमधील आम आदमी पक्षाच्या बलात्काराचा आरोप असणार्‍या आमदाराचे ऑस्ट्रेलियात पलायन !

पटियाला (पंजाब) – बलात्काराच्या प्रकरणात आरोपी असलेले पटियाला जिल्ह्यातील सनौर मतदारसंघातील आम आदमी पक्षाचे आमदार हरमीत सिंह पठाणमाजरा देश सोडून ऑस्ट्रेलियात पोचले आहेत. गेल्या २ महिन्यांपासून पंजाब पोलीस त्यांचा शोध घेत होते.

ऑस्ट्रेलियात पठाणमाजरा यांनी एका खासगी वृत्तवाहिनीला दिलेल्या मुलाखतीत या प्रकरणाला खोटे ठरवत मुख्यमंत्री भगवंत मान यांच्या सरकारवर टीका केली. ते म्हणाले की, मुख्यमंत्री भगवंत मान यांना पंजाबच्या प्रश्नांशी काही देणेघेणे नाही. आपचे प्रमुख अरविंद केजरीवाल जे सांगतात, तेच मान करतात. सरकारमध्ये आमदारांची काहीच किंमत नाही. आमदारांचा आवाज दडपण्यासाठी सरकारने हे सर्व कारस्थान रचले आहे.