अग्नीशमनच्या २४६ आणि तांत्रिक संवर्गातील अभियंत्यांच्या १४० रिक्तपदांची भरती !

नाशिक – आगामी सिंहस्थ कुंभपर्वाच्या पार्श्वभूमीवर महापालिकेतील अग्नीशमनदलातील २४६ आणि तांत्रिक संवर्गातील अभियंत्यांच्या १४० रिक्तपदांची भरती करण्यात येणार आहे. ‘टी.सी.एस्.’द्वारे भरती प्रक्रिया करण्यात येईल. महापालिकेच्या ‘क’ वर्गीय आस्थापना परिशिष्टावरील ७ सहस्र ७२५ संमत पदांपैकी सुमारे साडेतीन सहस्र पदे रिक्त आहेत. महापालिकेचा ‘ब’ वर्गात समावेश झाल्यानंतर सुधारित आकृतीबंध शासनाच्या मान्यतेसाठी सादर करण्यात आला आहे; मात्र त्यास अद्याप शासनाची संमती मिळू शकलेली नाही.