अकोले येथे जिल्हा परिषदेच्या शाळेतील मुख्याध्यापकांकडून २ अल्पवयीन मुलींचे शोेषण !

अकोले (जिल्हा अहिल्यानगर) – तालुक्याच्या मुळा विभागातील एका जिल्हा परिषदेच्या शाळेतील मुख्याध्यापकाने २ अल्पवयीन मुलींचा विनयभंग केल्याची घटना उघडकीस आली आहे. या प्रकरणी मुलींच्या पालकांनी अकोले पोलीस ठाण्यात तक्रार प्रविष्ट केली असून पोलिसांनी मुख्याध्यापक गोरख लोहरे याला अटक केली आहे.

१. एका जिल्हा परिषदेच्या शाळेत इयत्ता चौथीमध्ये २ चुलत बहिणी शिक्षण घेत आहेत.

२. मुख्याध्यापक लोहरे हे शाळेची दुपारची सुटी झाल्यानंतर दुसर्‍या वर्गात नेऊन वर्ष २०२४ च्या दिवाळीपासून २ मुलींचे वेळोवेळी शोषण करत होते.

३. लोहरे याने मुलींना ‘मी तुम्हाला मारून टाकीन. तुमच्या वडिलांचे आणि माझे भांडण होईल’, अशी भीती दाखवून घरी न सांगण्याविषयी धमकावले होते.