Karnataka Bill Against RSS Activities : सरकारी जागेवर विनाअनुमती कार्यक्रम आयोजित केल्यास १ लाख रुपये दंड आणि ३ वर्षांचा कारावास !

कर्नाटकातील काँग्रेस सरकारकडून नवीन विधेयक

बेंगळुरू (कर्नाटक) – यापुढे सरकारी जागांवर कोणत्याही राजकीय पक्षाने अथवा संघटनेने विनाअनुमती कार्यक्रम आयोजित केल्यास १ लाख रुपये दंड आणि ३ वर्षांच्या कारावासाची शिक्षा ठोठावणारे नवीन विधेयक आणण्याचा प्रयत्न राज्यातील काँग्रेस सरकार करत आहे. राष्ट्रीय स्वयंसेवक संघाच्या कार्यक्रमांवर बंदी घालण्याविषयी मंत्री प्रियांक खर्गे यांनी मुख्यमंत्री सिद्धरामय्या यांना पत्र लिहिल्यानंतर लगेचच सरकारने हे पाऊल उचलले आहे.

🚨 Karnataka’s New Bill Alert!

💰 ₹1 Lakh fine & 3 years jail for organising any event on government land without permission!

But a question for the Congress govt – when will action be taken against those offering Namaz on govt land & roads without permission? 🤔… pic.twitter.com/m3mExrMGKQ

— Sanatan Prabhat (@SanatanPrabhat) October 16, 2025

कायदा विभागाने सिद्ध केलेल्या प्रारूपानुसार शासकीय जागेवर कोणताही धार्मिक किंवा राजकीय कार्यक्रम आयोजित करण्यासाठी अनुमती घेणे आवश्यक असेल. या संदर्भात जिल्हाधिकारी आणि पोलीस अधीक्षक हे संमती देणारे अधिकारी म्हणून कार्य करतील.