आदर्श व्यक्तीमत्त्व असलेले आणि साधकांशी अत्यंत सहजतेने अन् नम्रतेने बोलणारे सनातनचे ११ वे संत पू. संदीप आळशी (वय ५० वर्षे) !

१. सहजता

‘पू. संदीपदादा साधकांशी सहजतेने बोलतात. ते पुष्कळ सहजतेने इतरांना सूत्रे समजावून सांगतात. त्यांनी सांगितलेली सूत्रे साधकांच्या मनाला भावतात.

२. प्रोत्साहन देणे

पू. दादा साधकांनी केलेल्या प्रयत्नांचे कौतुक करतात आणि ‘साधकांनी पुढच्या टप्प्याला जावे’, यासाठी त्यांना प्रोत्साहित करतात.

३. प्रेमभावाने आणि नम्रतेने बोलणे

पू. दादा साधकांची प्रेमाने चौकशी करतात. ते साधकांच्या गुणांचे कौतुकही करतात. पू. दादा साधकांना दृष्टीकोन देतांना कधी स्वतःला श्रेष्ठ समजत नाहीत, तर साधकांशी अत्यंत नम्रतेने बोलतात. ते सगळ्यांशी समानतेने बोलतात. त्यांच्या बोलण्यात कधी ‘मी, माझे, मला’, असे शब्द नसतात.

४. शिकण्याची वृत्ती

संत असूनही पू. दादा सतत शिकण्याच्या स्थितीत असतात. शिकलेली सूत्रे ते स्वतः आचरणात आणतात.

५. आदर्श व्यक्तीमत्त्व

पू. दादा नेहमी आनंदी असतात. त्यांच्या वागण्या-बोलण्यातून एक आदर्श व्यक्तीमत्त्व जाणवते. त्यांना तीव्र शारीरिक त्रास होतो; पण त्याचा त्यांनी स्वतःच्या नियमित साधनेवर परिणाम होऊ दिला नाही. ‘संतांना देहबुद्धी नसते’, हे त्यांच्या उदाहरणातून लक्षात येते.

६. अनुभूती

पू. संदीपदादांशी बोलतांना आध्यात्मिक लाभ होऊन हलके वाटणे : पू. दादांशी बोलतांना आध्यात्मिक लाभ होऊन मला हलके वाटते. त्यांच्यातील चैतन्यामुळे त्यांच्याशी बोलतांना माझ्यावर आलेले त्रासदायक शक्तीचे आवरण नष्ट होते.’

– कु. मधुरा मोहन चतुर्भुज, सनातन आश्रम, रामनाथी, गोवा.

(१.२.२०२५)